შპს „ფოთის საზღვაო ნავსადგურში“ სასიამოვნო ტრადიციად დამკვიდრდა ყოველ შაბათს ნავსადგურის სამმართველოს კოლექტივის გასვლა პლაჟის დასასუფთავებლად. ზღვისპირა მონაკვეთი ნავსადგურის კოლექტივის ძალისხმევითა და პირადი სახსრებით შემოიღობა და კეთილმოეწყო. დამსვენებლებისთვის უფასოა საშხაპეები, მზისაგან დამცავი ქოლგები, აქვეა ფრენბურთის მოედანი, ჩოგბურთის მაგიდა, ბარი, სადაც გამაგრილებელი სასმელების შეკვეთაა შესაძლებელი. 21 ივლისის შაბათობაზეც, ჩვეულებისამებრ, ერთსულოვნად შეიკრიბა ნავსადგურის კოლექტივი, დასუფთავდა პლაჟი. ეს დღე გამორჩეული იყო ჰოლანდიელთა “Boskalis International b.v.”-ს სტუმრობით, რომლებმაც პლაჟს საჩუქრად ახალი ქოლგები გადასცეს.
 |
 |
